ઓ હૃદય, તેં પણ ભલા! કેવો ફસાવ્યો છે મને,
ઓ હૃદય, તેં પણ ભલા! કેવો ફસાવ્યો છે મને,
જે નથી મારા બન્યાં, એનો બનાવ્યો છે મને!
ઓ હૃદય, તેં પણ ભલા! કેવો ફસાવ્યો છે મને…
આમ તો હાલત અમારા બેય ની સરખી જ છે,
આમ તો હાલત અમારા બેય ની સરખી જ છે,
મેં ગુમાવ્યાં એમ, એણે પણ ગુમાવ્યો છે મને.
ઓ હૃદય, તેં પણ ભલા! કેવો ફસાવ્યો છે મને…
એ બધાનાં નામ લઇ મારે નથી થાવું ખરાબ,
એ બધાનાં નામ લઇ મારે નથી થાવું ખરાબ,
સારાં-સારાં માનવીઓએ, સતાવ્યો છે મને.
ઓ હૃદય, તેં પણ ભલા! કેવો ફસાવ્યો છે મને…
આ બધાં ‘બેફામ’, જે આજે રડે છે મોત પર,
આ બધાં ‘બેફામ’, જે આજે રડે છે મોત પર,
એ બધાંએ, જિંદગી આખી રડાવ્યો છે મને.
એ બધાંએ. જિંદગી આખી રડાવ્યો છે મને…
ઓ હૃદય, તેં પણ ભલા! કેવો ફસાવ્યો છે મને…