મહેફીલની ત્યારે સાચી શરૂઆત થઈ હશે…
મહેફીલની ત્યારે સાચી શરૂઆત થઈ હશે,
મહેફીલની ત્યારે સાચી શરૂઆત થઈ હશે,
મારા ગયા પછી જ મારી વાત થઈ હશે.
મહેફીલની ત્યારે સાચી શરૂઆત થઈ હશે…
આજે હવામાં ભાર છે ફૂલોની મહેકનો,
આજે હવામાં ભાર છે ફૂલોની મહેકનો,
રસ્તાની વચ્ચે એની મુલાકાત થઈ હશે.
મહેફીલની ત્યારે સાચી શરૂઆત થઈ હશે…
ઢળતા સૂરજને જોઉં છું જોયા કરું છું હું,
ઢળતા સૂરજને જોઉં છું જોયા કરું છું હું,
લાગે છે એના શહેરમાંયે રાત થઈ હશે.
મહેફીલની ત્યારે સાચી શરૂઆત થઈ હશે…
મારે સજાનું દુઃખ નથી, છે દુઃખ એ વાતનું,
મારે સજાનું દુઃખ નથી, છે દુઃખ એ વાતનું,
વાતો થશે કે મારે કબૂલાત થઈ હશે.
મહેફીલની ત્યારે સાચી શરૂઆત થઈ હશે…
લોકો કહે છે ભીંત છે ત્યાં ભીંત છે ફકત,
લોકો કહે છે ભીંત છે ત્યાં ભીંત છે ફકત,
‘કૈલાસ’ મારા ઘર વિષેની વાત થઈ હશે.
મહેફીલની ત્યારે સાચી શરૂઆત થઈ હશે…
મારા ગયા પછી જ મારી વાત થઈ હશે.
મહેફીલની ત્યારે સાચી શરૂઆત થઈ હશે…